91��ý

XXI ғасыр – жасанды интеллект дәуірі. Әлемдік технологиялық даму қарқыны бұрын-соңды болмаған деңгейге жетіп, адам өмірінің барлық саласына цифрлық шешімдер белсенді енгізілуде. Бүгінде жасанды интеллект тек IT саласының құралы ғана емес, экономика, ғылым, медицина, білім берудің және өндірістің негізгі қозғаушы күшіне айналып отыр. Осындай жаһандық өзгерістер жағдайында Қазақстан да инновациялық дамудың жаңа кезеңіне қадам басып, цифрлық трансформацияны ұлттық басымдық ретінде айқындауда.

Мемлекет басшысы Қасым-Жомарт Тоқаев өз жолдау­ла­рында елімізді Орталық Азия­­дағы жетекші IT-хабқа ай­налдыру, жасанды интеллект технологияларын дамыту және жастардың цифрлық сауат­ты­лы­ғын арттыру мәселесіне ерекше назар аударып келеді. Бұл тек технологиялық ілгерілеу ғана емес, елдің интеллек­туал­дық әлеуетін күшейтетін стра­тегиялық бағыт.

Осы маңызды міндеттерді жүзеге асыру жолында Әл-Фараби атындағы Қазақ ұлттық университетінде қолға алынған «AI-Sana» жобасының орны ерек­ше. Бұл – білім мен ғылым­ды, технология мен тәжірибені тоғыстырған жаңа буын плат­фор­масы. Жоба жасанды ин­теллект саласында терең білім алуға ұмтылған студенттерге заманауи мүмкіндіктер ұсынып, оларды болашақтың кәсіби маманы ретінде қалып­тас­ты­руды мақсат етеді.

«AI-Sana» жобасының ха­лық­аралық деңгейдегі маңы­зын айқындай түскен маңызды оқиғалардың бірі – бағдарлама әзір­леушісі, танымал ғалым Пол Киммен өткен кездесу бол­ды. Кездесу барысында жо­ба­ның негізгі мақсаттары, жа­­санды интеллект сала­сын­дағы жаһан­дық үрдістер және білім беру жүйесіндегі жаңа мүмкіндіктер кеңінен талқыланды. Пол Ким өз сөзінде бүгінгі жастар үшін жа­санды интеллект сала­сын­дағы білімнің маңыздылығын ерекше атап өтіп, қазақстандық студенттердің әлеуетіне жоға­ры баға берді. Оның айтуынша, технологиялық сауатты, жаңа­шыл ойлайтын жас буын – кез келген елдің бәсекеге қабі­лет­тілігін айқындайтын басты күш. Мұндай мазмұнды кездесулер студенттердің мотивациясын арттырып қана қоймай, олар­дың халықаралық деңгейдегі ғылыми және кәсіби ортаға бейімделуіне жол ашады.

«AI-Sana» аясында білім алу­шылар тек теориялық білім­мен шектелмейді. Курс бары­сын­да олар жасанды ин­тел­лектінің негізгі қағи­да­ларын меңгеріп қана қоймай, практикалық тапсырмаларды орындап, заманауи технологиялармен жұмыс істеу дағдыларын қа­лып­­тастырады. Сонымен қатар қатысушылар өздерінің инно­ва­циялық жобаларын ұсынып, идеяларын нақты өнімге айнал­ды­руға мүмкіндік алады. Бұл өз кезегінде сту­денттердің стар­тап жобаларға, түр­лі хака­тон­дар мен инно­вациялық бай­қауларға бел­сенді қа­ты­суына жол ашып, өз бастамаларын жүзеге асыруға үлкен серпін береді. Мұндай тәжірибе олардың шығарма­шы­лық қабілетін дамытып қана қоймай, кәсіпкерлік ойлау мен жауапкершілік мәдениетін қалыптастырады.

Бүгінде жасанды интеллект медицинада ауруларды ерте анықтауға, ауыл шаруашы­лы­ғында өнімділікті арттыруға, қаржы саласында тәуекелдерді болжауға, білім беру жүйесінде жекелендірілген оқыту әдісте­рін енгізуге мүмкіндік беріп отыр. Сондықтан «AI-Sana» жо­басы тек IT мамандарын даяр­лауға бағытталған бастама емес, ол – түрлі салаларда тех­нологияны еркін қолдана ала­тын әмбебап кәсіби буынды қа­лыптастырудың маңызды тетігі.

Қазіргі еңбек нарығы ма­ман­дардан тек диплом емес, нақты дағды мен техно­логиялық сауаттылықты талап етеді. Осы тұрғыдан алғанда, «AI-Sana» студенттердің бәсе­кеге қабілеттілігін арттырып, ха­лық­аралық стандарттарға сай кәсіби дайындық алуына мүмкін­дік береді. Бағдар­ла­маны сәтті аяқтаған қатысушы­лар­дың халықаралық сер­ти­фикаттарға ие болуы олардың болашақ мансабына берік негіз қалайды.

Білім беру жүйесіндегі цифрлық трансформация – уақыт талабы. Дәстүрлі оқыту тәсіл­дері жаңа технология­лар­мен ұштасқанда ғана сапалы нәтиже береді. «AI-Sana» осы өзгерістердің нақты көрінісі ретінде университет қабыр­ға­сындағы инновациялық ортаны қалыптастырып, студенттерді зерттеуге, ізденуге және жаңа­лық ашуға ынталандырады.

Әлемдік тәжірибе көрсет­кендей, жасанды интеллектіні да­мытуға инвестиция салған мемлекеттер болашақ эконо­ми­каның көшбасшысына ай­на­луда. Қазақстан да бұл үде­­рістен шет қалмай, жоғары оқу орындарында жаңа зерт­ха­налар ашып, халықаралық серіктестікті күшейтіп келеді. Әл-Фараби атындағы ҚазҰУ-да жүзеге асып жатқан «AI-Sana» жобасы – осы стратегиялық қа­дамдардың нақты жемісі.

Жасанды интеллект – бо­лашақ­тың тілі. Ал сол тілді бүгін меңгерген жастар – ертеңгі елдің интеллектуалдық тірегі. Сондықтан «AI-Sana» жобасы – тек білім беру бастамасы емес, ол Қазақстанның цифр­лық болашағына салынған инвестиция.

«AI-Sana» – білім мен тех­но­логияның тоғысқан тұсы, ғы­лым мен болашақтың түйіс­кен алаңы. Бұл – жаңа дәуірге сенімді қадам басқан жас ұрпақтың мүмкіндіктер мекені.

Айгерім САМЕТОВА, 

ақпараттық технологиялар және жасанды интеллект факультеті деканының орынбасары