覛邪蟹野校-写邪 覜冶卸邪褌 覜邪斜褘谢写邪褍 斜邪褋褌邪谢写褘
訕谢-肖邪褉邪斜懈 邪褌褘薪写邪覔褘 覛邪蟹邪覜 冶谢褌褌褘覜 褍薪懈胁械褉褋懈褌械褌褨薪写械 斜邪泻邪谢邪胁褉懈邪褌 斜褨谢褨屑 斜械褉褍 斜邪覔写邪褉谢邪屑邪谢邪褉褘薪邪 褌爷褋褍褕褨 褌邪谢邪锌泻械褉谢械褉 爷褕褨薪 覜邪斜褘谢写邪褍 薪邪褍覜邪薪褘 卸邪谢覔邪褋褍写邪.
2026 卸褘谢覔褘 20 屑邪褍褋褘屑薪邪薪 斜邪褋褌邪锌 邪覜褘谢褘 薪械谐褨蟹写械 芯覜褍覔邪 褌爷褋褍褕褨谢械褉写械薪 覜冶卸邪褌褌邪褉 覜邪斜褘谢写邪薪邪写褘. 莹褌褨薪褨褕褌械褉 屑械薪 覜邪卸械褌褌褨 覜冶卸邪褌褌邪褉写褘 25 褌邪屑褘蟹覔邪 写械泄褨薪 褌邪锌褋褘褉褍覔邪 斜芯谢邪写褘. 袗谢 屑械屑谢械泻械褌褌褨泻 斜褨谢褨屑 斜械褉褍 谐褉邪薪褌褌邪褉褘薪 褌邪覔邪泄褘薪写邪褍 泻芯薪泻褍褉褋褘薪邪 覜邪褌褘褋褍覔邪 薪懈械褌褌褨 褌邪谢邪锌泻械褉谢械褉 萤蟹 萤褌褨薪褨褕褌械褉褨薪 13-20 褕褨谢写械 邪褉邪谢褘覔褘薪写邪 萤褌泻褨蟹褍褨 褌懈褨褋.
楔褘覔邪褉屑邪褕褘谢褘覜 械屑褌懈褏邪薪 覜邪褉邪褋褌褘褉褘谢覔邪薪 斜褨谢褨屑 斜械褉褍 斜邪覔写邪褉谢邪屑邪谢邪褉褘薪 褌邪遥写邪覔邪薪 褌邪谢邪锌泻械褉谢械褉写械薪 萤褌褨薪褨褕褌械褉 20 屑邪褍褋褘屑 屑械薪 6 褕褨谢写械 邪褉邪谢褘覔褘薪写邪 覜邪斜褘谢写邪薪邪写褘. 袗谢 褕褘覔邪褉屑邪褕褘谢褘覜 褋褘薪邪覜褌邪褉 7-13 褕褨谢写械 泻爷薪写械褉褨 斜械泻褨褌褨谢谐械薪 泻械褋褌械谐械 褋訖泄泻械褋 冶泄褘屑写邪褋褌褘褉褘谢邪写褘.
小芯薪写邪泄-邪覜 芦袩械写邪谐芯谐懈泻邪谢褘覜 覔褘谢褘屑写邪褉禄 卸訖薪械 芦袛械薪褋邪褍谢褘覜 褋邪覜褌邪褍禄 斜邪覔褘褌褌邪褉褘薪邪 爷屑褨褌泻械褉谢械褉 邪褉薪邪泄褘 械屑褌懈褏邪薪薪邪薪 萤褌械写褨. 袘邪覔邪谢邪褍 褉訖褋褨屑褨 2026 卸褘谢覔褘 20 屑邪褍褋褘屑 屑械薪 20 褌邪屑褘蟹 邪褉邪谢褘覔褘薪写邪 EDUSER 锌谢邪褌褎芯褉屑邪褋褘 邪褉覜褘谢褘 芯薪谢邪泄薪 褎芯褉屑邪褌褌邪 卸爷褉谐褨蟹褨谢械写褨.
訕谢-肖邪褉邪斜懈 邪褌褘薪写邪覔褘 覛邪蟹野校 覜邪斜褘谢写邪褍 泻芯屑懈褋褋懈褟褋褘 写爷泄褋械薪斜褨 屑械薪 卸冶屑邪 邪褉邪谢褘覔褘薪写邪 褋邪覔邪褌 09:00-写械薪 18:00-谐械 写械泄褨薪, 褋械薪斜褨 泻爷薪褨 09:00-写械薪 14:00-谐械 写械泄褨薪 卸冶屑褘褋 褨褋褌械泄写褨.
袨覜褍覔邪 褌爷褋褍 褕邪褉褌褌邪褉褘, 覜冶卸邪褌褌邪褉写褘 褉訖褋褨屑写械褍, 褕褘覔邪褉屑邪褕褘谢褘覜 卸訖薪械 邪褉薪邪泄褘 械屑褌懈褏邪薪写邪褉, 斜褨谢褨屑 斜械褉褍 斜邪覔写邪褉谢邪屑邪谢邪褉褘薪 褌邪遥写邪褍, 褋芯薪写邪泄-邪覜 芯覜褍 卸訖薪械 卸邪褌邪覜褏邪薪邪写邪 褌冶褉褍 屑訖褋械谢械谢械褉褨 斜芯泄褘薪褕邪 褌邪谢邪锌泻械褉谢械褉 褍薪懈胁械褉褋懈褌械褌褌褨遥 覜邪斜褘谢写邪褍 泻芯屑懈褋褋懈褟褋褘薪邪薪 褌芯谢褘覜 邪覜锌邪褉邪褌 邪谢邪 邪谢邪写褘.
袘邪褋覜邪 卸邪遥邪谢褘覜褌邪褉
