91��ý

Біріккен Ұлттар Ұйымының 2030 жылға дейінгі Тұрақты даму мақсаттары (ТДМ) адамзаттың әл-ауқатын арттырумен қатар табиғи ресурстарды ұтымды пайдалану мен қоршаған ортаны қорғауға бағытталған. Осы мақсаттардың ішінде ерекше маңызға ие бағыттардың бірі – ТДМ 12 «Жауапты тұтыну және өндіріс» болып табылады. Бұл мақсат табиғи ресурстарды тиімді пайдалану, қалдықтардың көлемін азайту, қайта өңдеуді дамыту, экологиялық таза өндірісті қолдау және тұрақты ауыл шаруашылығын дамытуға негізделген. Өсімдік ресурстары адамзаттың азық-түлік қауіпсіздігін қамтамасыз ететін, дәрілік шикізат көзі болып табылатын, экожүйелердің тұрақтылығын сақтайтын және климаттың өзгеруін реттеуге ықпал ететін маңызды табиғи байлықтардың бірі болып саналады. Сондықтан оларды ғылыми негізде тиімді пайдалану, қорғау және қалпына келтіру қазіргі қоғамның басты міндеттерінің біріне айналып отыр. Осы өзекті мәселеге орай 6В05102 – «Биология» білім беру бағдарламасының студенттеріне «Өсімдік ресурстарын ысырапсыз пайдалану және органикалық ауыл шаруашылығын дамыту» тақырыбында ТДМ 12 бағыты бойынша танымдық-тәжірибелік іс-шара ұйымдастырылды. Іс-шара барысында студенттер табиғи өсімдік ресурстарын сақтау, оларды ұтымды пайдалану, органикалық егіншіліктің ерекшеліктері және тұрақты ауыл шаруашылығының маңызы туралы жан-жақты ақпарат алды.

Іс-шараның мақсаты студенттердің өсімдік ресурстарын тиімді пайдалану, табиғи экожүйелерді сақтау және органикалық ауыл шаруашылығының қағидаларын меңгеру арқылы олардың экологиялық мәдениетін қалыптастыру, тұрақты даму мақсаттарын жүзеге асырудағы болашақ биологтардың рөлін түсіндіру. 

Өткізілген іс-шараның негізгі міндеті – студенттерге Тұрақты даму мақсаттарының 12-бағытының (ТДМ 12 – «Жауапты тұтыну және өндіріс») мәнін түсіндіру және өсімдік ресурстарын тиімді пайдалану мен органикалық ауыл шаруашылығының тұрақты дамудағы рөлін көрсету болды. Іс-шара барысында табиғи ресурстарды ұтымды пайдалану, өндіріс пен тұтынудағы жауапкершілік қағидалары, қалдықтарды азайту және экологиялық қауіпсіз технологияларды қолданудың маңызы жан-жақты қарастырылды. Сонымен қатар студенттер өсімдік ресурстарының табиғаттағы және адам өміріндегі экологиялық, экономикалық әрі әлеуметтік маңызымен танысты. Өсімдіктердің экожүйелердің тұрақтылығын сақтаудағы, топырақ құнарлылығын арттырудағы, атмосфераның газдық құрамын реттеудегі, сондай-ақ азық-түлік, дәрілік шикізат және өндірістік ресурс ретіндегі қызметі талқыланды. Табиғи өсімдік қорларын сақтау, оларды ғылыми негізде пайдалану, өсімдік қалдықтарын қайта өңдеу, су мен жер ресурстарын үнемдеу сияқты тиімді тәсілдерге ерекше назар аударылды. Іс-шараның маңызды бағыттарының бірі органикалық ауыл шаруашылығының қағидаларын түсіндіру болды. Студенттер топырақ құнарлылығын табиғи жолмен сақтау, биологиялық тыңайтқыштарды қолдану, ауыспалы егіс жүйесін пайдалану және экологиялық таза өнім өндірудің артықшылықтары туралы білімдерін толықтырды. Органикалық егіншіліктің қоршаған ортаны қорғауға, халық денсаулығын сақтауға және ауыл шаруашылығының тұрақты дамуына қосатын үлесі нақты мысалдар арқылы көрсетілді. Іс-шара барысында студенттердің экологиялық жауапкершілігін қалыптастыруға да ерекше көңіл бөлінді. Табиғатты қорғау, табиғи ресурстарды ұқыпты пайдалану, қалдықтарды азайту және экологиялық мәдениетті күнделікті өмірде қалыптастыру мәселелері талқыланып, әрбір адамның қоршаған ортаны сақтаудағы жауапкершілігі атап өтілді. Сонымен бірге тұрақты даму қағидаларының болашақ биология мамандарының кәсіби қызметімен байланысы қарастырылды. Студенттер табиғи ресурстарды қорғау, биоалуантүрлілікті сақтау, экологиялық ағартушылық жұмыстарды жүргізу және тұрақты даму идеяларын тәжірибеде қолданудың маңызын түсінді. Нәтижесінде іс-шара студенттердің экологиялық сауаттылығын арттыруға, табиғатқа жауапкершілікпен қарау көзқарасын қалыптастыруға және кәсіби құзыреттіліктерін дамытуға ықпал етті (Сурет 1).

Сурет 1 – Өсімдік ресурстарын тиімді пайдалану және ауыл шаруашылығын дамыту

 

Тұрақты даму мақсаты 12 – табиғи ресурстарды тиімді пайдалану мен жауапты тұтыну мәдениетін қалыптастыруға бағытталған маңызды халықаралық бастама. Өсімдік ресурстарын ысырапсыз пайдалану, органикалық ауыл шаруашылығын дамыту, қалдықтарды азайту және табиғи экожүйелерді сақтау – осы мақсаттың негізгі бағыттары болып табылады.

6В05102 – «Биология» білім беру бағдарламасының студенттеріне өткізілген «Өсімдік ресурстарын ысырапсыз пайдалану және органикалық ауыл шаруашылығын дамыту» тақырыбындағы іс-шара студенттердің экологиялық сауаттылығын арттыруға, табиғатқа жауапкершілікпен қарау мәдениетін қалыптастыруға және болашақ кәсіби қызметінде тұрақты даму қағидаларын қолдануға мүмкіндік берді. Болашақ биология мамандары табиғи ресурстарды қорғау, биоалуантүрлілікті сақтау және органикалық ауыл шаруашылығын дамыту арқылы еліміздің экологиялық қауіпсіздігі мен тұрақты дамуына елеулі үлес қоса алады.