91��ý

2025 жылғы 1 желтоқсанда Ақпараттық жүйелер мамандығының 3-курс докторанты А.К. Самбетбаева 159 гимназия мектебінің оқушыларына арналған 72 сағаттық оқу бағдарламасы аясында «Жол зақымдануларын анықтауда терең оқытуды қолдану: негіздері мен қолданбалы әдістері» тақырыбы бойынша оқу іс-шарасын өткізді. Аталған іс-шара офлайн форматта ұйымдастырылып, мектеп оқушыларына жасанды интеллект, компьютерлік көру және терең оқыту әдістерінің нақты өмірлік мәселелерді шешудегі маңызы түсіндірілді.

Іс-шара барысында жол инфрақұрылымындағы зақымдануларды автоматты түрде анықтау үшін терең оқыту технологияларын қолдану негіздері қарастырылды. Қатысушылар деректерді жинау, оларды алдын ала өңдеу, нейрондық желілер архитектуралары, кескіндерді тану, модельдерді оқыту және бағалау әдістерімен танысты. Сонымен бірге оқушыларға жасанды интеллекттің көлік инфрақұрылымы, қауіпсіздік, ақылды қала жүйелері және инженерлік шешімдер саласында қолданылу мүмкіндіктері көрсетілді.

Аталған оқу іс-шаралары кәсіби бағдар беру жұмысымен де тығыз байланысты болды. 159 гимназия мектебінің оқушыларына Ақпараттық жүйелер кафедрасы, «Ақпараттық жүйелер» және «Жасанды интеллектісі бар жоғары жүктелген ақпараттық жүйелер» білім беру бағдарламалары туралы ақпарат берілді. Оқушыларға аталған мамандықтардың ерекшеліктері, оқу барысында меңгерілетін пәндер, практикалық дағдылар, зертханалық жұмыстар, жобалық оқыту мүмкіндіктері және болашақ еңбек нарығындағы кәсіби перспективалар түсіндірілді.

Жалпы, Ақпараттық жүйелер кафедрасы ұйымдастырған 72 сағаттық тегін сыртқы оқу бағдарламалары мен кәсіби бағдар беру жұмыстары қатысушылардың кәсіби, зерттеушілік және инженерлік құзыреттерін арттыруға ықпал етті. Сонымен қатар бұл іс-шаралар университет пен мектептер, білім беру ұйымдары және сыртқы серіктестер арасындағы ынтымақтастықты нығайтып, ТДМ 4 – «Сапалы білім» мақсатының жүзеге асуына нақты үлес қосты.

Күні мен форматы: 01.12.2025 ж., офлайн
Серіктестер: 159 гимназия мектебі